Omolwa uulumbu,iinamwenyo otayi ende tayi kongo oonzo ngaashi omeya niikulya,noku etitha oshiponga maantu

Uuministeli womidhingoloko owiindiile aakalimo muushayi ya kale yeli uupathi noya lungama,molwaashoka iimuna nenge iinamwenyo hayi tembuka otayi kongo omeya niikulya pethimbo lyuulumbu,noku tula aantu moshiponga.

Omupopiliko guuministeli romeo muyunda  okwa gandja omushangwa sha landula sho omulumentu gomimvo 45 a ponokelwa noku dhipagwa kondjamba mo Ngoma mo Zambezi omandaaha.

Tati nguka omumvo guulumbu,nuulumbu ohau gumu oonzo dhoka tadhi longithwa wo kiimuna nenge iinamwenyo yomoluhwa,naashika otashi etitha iinamwenyo yi tembuke tayi kongo oonzo ngaashi omeya niikulya.

Na muyunda  okwa londodha mboka yeli momahala muna iithikututi nenge pooha niikunino yiinamwenyo ya kale yeli uupathi pethimbo ndika lyuulumbu.

Omunamimvo 45 Albert Kawayile okwali omuniilonga guuministeli wuunamapya,ha longele ko Ngoma Forest Research Station.

Omupopiliko gopolisi moshitopolwa Zambezi Inspector Kisco Kitali okwati Kawayile okwali tende okuza komukunda mo Ngoma uuka komukunda gwe sho a ponokelwa kondjamba.

Oshigunda shoondjamba 13 okwali wo tadhi piyaganeke mo Ngoma sigo sha halakanithwa kuuministeli.