Ehangano lyuundjolowele muuyuni liithana oshigongi shomeendelelo omolwa iipotha yo Mpox mu Africa

Ohela,omukuluntu gwehangano lyuundjolowele muuyuni Tedros Adhanom Ghebreyesus okwiithana oshigongi shomeendelelo shaanongo yopashigwana ,sho iipotha yoludhi lwa nika oshiponga yombuto yo Mpox tayiindiipala miilongo ya Africa.

O Africa news oya lopota kutya ,opena oolopota kutya oludhi nduka oluna omukwawu guli pombanda,noku gu pitika gu taandele meendelelo mokati koohandimwe,noku etitha eipulo enene kaanongo yehangano lyo WHO.

Ta popi momutumba gwiikundaneki ohela mo Geneva,Adhanom Ghebreyesus okwati aanongo otaaka tala ngele etukulo otaliigidhwa oshikele shuuhaku wopauyuni.

Tedros tati ehangano olya tuma oodola dha America omilion 1 oku kwathela okuungaunga netukuko lyombuto.

O  Africa Centers for Disease Control and Prevention oshiwike sha piti oya tseyitha kutya o Mpox oya lopotwa miilongo 10 ya Africa nuumvo,na DRC a kalelapo oo % dha konda 90 dhiipotha ayihe nomaso.

O Africa CDC ooyati oo% dhili po 70 dhiipotha mo Congo odhaanona yoomvula 15 okuya pevi,naanona mboka oya kalelapo oo % 85 dhomaso.