Epangulo lomufitaongalo ta tamanekelwa omadipao ovakwaneongalo laye mo Kenya, ola hovela

Omangu mo Kenya oyati oya hovela nepangelo linasha nomufitaongalo  oo tapangulilwa omadipao ovanhu vongeleka yaye vedulife po 400.

Paul Mackenzie,takutiwa okuli omuwiliki wongeleka yo Good News International Church,  okwa taalela omatamaneko ayooloka omo mwakwatelwa omadipao, ehepeko lounona oshoyo oukulo.

Omatamaneko oo ataalela okweya poluhaela shalandula eshi kweli tuwilwe eembila dovanhu omafele mu April 2023,  ovo vaitavelwa kutya ovali ovakwaneongalo laye.

Mackenzie pefimbo aholokele komesho yomangu mu January 2024,  okweli popilile kutya kena ondjo momatamaneko aeshe oo yee tapopiilwa.

Omandaxa Mackenzie, opamwe novakwafeli vaye mongeleka vedulife po 90 , ova holoka komesho yomangu modoropa yaMombasa.

Mokati  kaavo vataalela omatamaneko opamwe nomufitaongalo wavo,  omwa kwatelwa ovalumenhu 55 oshoyo ovakainhu veli 40,  oshiningwanima shomafyo osho kwaitavelwa kutya oshaholokele pokati ko 2020 no 2023.

Ovakwaneongalo ota kulopotwa vaxulifile nokufudikwa momufitu omo tamuhangwa ongelek,   molwaasho valombwelwa velidilike oikulya fiyo omefyo opo vadule oku kamona kalunga meulu,  molwaasho exulilo lounyuni olafika, omanga ounona vamwe sha monikamo kutya ovaxulifa eshi vaningilwa omahepeko ngaashi okupondwa no kufifwa oyuungungu.

Lwopokati oopo oo eli omupresident woshilongo William Ruto,  okwa yandjele elombwelo opo kutotwepo oka  commission oko takaningi omakonaakono moshinima noku talulula yoo omilandu deengeleka moshilongo.