Eemillion 16 daongelwa kongudu yo Swapo oku lilongekidila oikonga yomahoololo

Ongudu yo Swapo oya ongela oshimaliwa shee 16 million pefimbo loouvalelo wowina oo waliko mexuliloshivike okulilongekidila oikonga yomahoololo.

Oshimaliwa sha ongelwapo okwa lopotwa sha landifwa momafano aavo vali nale ovaleli voshilongo,  mwa kwatelwa omukokoli woshilongo Sam Nujoma,  oshoyo nakufya omuPresident Hage Geingob.

Sofia Shaningwa eli hamushanga wongudu yo SWAPO moshipopiwa shaye tapopi kutya,  efindano longudu yo Swapo oshoyo lomuulikwa hoololwa taka kalelapo ongudu Meme Netumbo Nandi ndaitwa,  oshinima aasho tashi pumbwa ehangakeno laaveshe opo vadule oku kakufa ombinga moikonga yo kuudifako oshiwana oku lilongekidila omahoololo moitopolwa aishe 14 yoshilongo konima yongudu eshi taika kala yatula moilonga omanifesto yayo 14 September 2024.

Shaningwa tapula oilyo aishe yongudu ika kale yelitulamo noku udifako oshiwana opo shikahoolole ongudu yo Swapo, pefimbo loikonga taikakala ili metifa.