Aafekelwa yiimbuluma yeli 85 000 ya mangwapo mo South Africa omwedhi gwa piti

Omukuluntu gopolisi mo South Africa Fannie Masemola okwa tseyitha kutya aafekelwa 85 000 oya mangwapo  omwedhi gwa piti,shinasha niimbuluma ya yooloka,okuza komadhipago,omakwatokonga ,omakwatepo mbabyona, noku yuga aantu omaliko pathiminiko.

O SABC oya lopota kutya Masemola okwali ta popitha iikundaneki ongula yonena ,shinasha niikonga moshilongo ashihe,ya ningwa kopolisi yoshilonho omwedhi gwa piti.

Masemola tati opolisi otayi longo nuudhiginini oku hulithapo iimbuluma yiimanga koku yuga aantu omaliko gawo pathiminiko,ashike otaaka pumbwa elongelokumwe lyoshigwana oku lopota iimbuluma noku sitha ohoni aaningi yiimbuluma.

Ta tothamo ongundu yoku yuga aantu omaliko mo Mamelodi ya tseyika onga o Boko Harama.

Iipotha yoku yuga aantu omaliko pathiminiko yili 319 oya lopotwa wo  moshilongo ashihe okuza mu April 2023 sigo o August 2024,omanga omamangepo 151 ga ningwa.