Aavali oyena oshinakugwanithwa oshinene melongo lyaanona

Omulongi popilimaskola ya Uuyoka moshitopolwa sha Oshikoto Anna Nakapela okwa pula noku indila aavali ya yande oku popya iinima iiwinayi paanona, oshoka aanona oyafa oombapila oontokele, no haya taamba ko mbala kehe shimwe sha tulwa komeho gawo no ha ye shi taandelitha muyakwawo nuupu.

Okwa popi pethimbo ta popitha aavali, aalongi naalongwa popilimaskola ya Oniiwe mpoka a hita ondondo yoshikunino sigo ondondo onti-7.

Ta pula aavali ya kondeke okanona naalongi opo ya kwashilipaleke onakuyiwa tayi hokitha maanona, molwaashoka oyo aaleli yokomongula.

“Aavali aasimanekwa oku landela okanona iipumbiwa yoskola hasho ashike ekuthombinga neyambidhidho kokanona, ashike yimwe yomiinima to vulu okuninga ongaashi, oku kwashilipaleka kutya okanona okathika poskola pethimbo,okutula okanona pokati nomulongi, oku ka kwathelwa miithigilwalonga noku ka tsa omukumo kiitulemo,” ta tsikileko.

Nakapela tati oshinima shimwe tashi vulu okushuna elongo lyomumona monima osho omikalo, eholokopo lyoye mokati kayakweni nomomudhingoloko ohali dhana onkandangala.

Okwa tsikile noku kumagidha aalongwa ya yande omaholela, yaalandule ookuume yapuka ne mukale nelalakano ndi mu uvite opo ye mu pukulule, opo kehe gumwe gomune a ka kale e na onakuyiwa ombwanawa.