Okomisi yomahogololo oya pyakudhukilwa omahogololo ngoka geliko omwedhi nguka

Okomisi yomahogololo oyati oya pyakudhukilwa omahogololo ngoka geliko mo 27 omwedhi nguka.

Omunashipundi gwewiliko lyokomisi yomahogololo Dr Elsie Nghikembua ta popi momutumba gwiikundaneki moshilandopangelo nena okwati aahogololi yeli po 8 000 okwa tegelelwa ya hogolole momahogololo gowina mo 13 omwedhi nguka.

Yo oyo aanambelewa yegameno mboka taaka longa mesiku lyomahogololo,naamboka taayi momeya oshowo mboka yeli pondje yoshilongo,nenge mboka  taaya iyadha yeli pondje yoshilongo mo 27 November.

Ta holola wo kutya onga omukalo ndjigilile,iitasi yomahogololo otayi ka patuluka potundi onti 07 yongula tayi pata potundi onti 9h00 yuusiku moshilongo,nokomatumo goku kalelapo oshilongo pondje yoshilongo.

Nghikembua tati moshilongo otamu ka kala iitasi yomahogololo yili 677,mbyoka tayi tembuka naambyoka tayi kalelele.