Omupresitend Nangolo Mbumba okwiindiile uukumwe komeho yomahogololo gopashigwana ongula

Metumwalaka lye muusiku wa tetekele omahogololo,Mbumba okwiindiile aa Namibia ya kalekepo oohedhi dhuudemokoli woshilongo,pakuya momwaalu ogundji yaka hogolole.

Ta dhenge omuthindo esimano lyomahogololo gopambili,geli pauyuki noga manguluka,noku shuna konima,kondjokonona yiikumungu yuudemokoli woshilongo woomvula 34.

Mbumba ta holola wo olupandu komupresitend omukulu Hage Geingob omolwa omakuthombinga ge koshigwana,nokwiindiile aakwashigwana ayehe ya kuthe ombinga momahogololo momukalo gwa ngungumana noguna esimano.

Ta holola wo iilonga yoongundu dhoopolitika,okomisi yomahogololo ,nomahangano gomahangano goku kalakapo ooveta moshikumungu shomahogololo.