Iipotha yomahepeko guukashikekokantu moshilongo onkee tayiindjipala

Opolisi yoshilongo oya dhidhilika iipotha yomahepeko guukashikekokantu 4 814 moshilongo ashihe momumvo shimaliwa go 2023-2024.

Shika oshiikwatelela kominista yuuthikepamwe wuukashikekokantu Doreen Sioka.

Momushangwa petamekitho lyoshikonga sho 16 Days of Activism against GBV moshitopolwa Kharas ohela,minister okwati oshitopolwa Khomas oshina omwaalu guli pombanda gwiipotha yili 758,taku landula Erongo niippotha 493 na Oshana niipotha 463.

Minister tati omiyalu otadhi etitha eikwatopomutima,sho unene aanona taya hepekwa paihulo,nomiipotha yimwe aayoni oyeli aapambele nenge aashiinda ,mboka yena oshinakuganithwa shoku gamena aanona.

Sioka tati o  National GBV Baseline Study of 2017 oyuulike kutya iiyetithi yomahepeko guukashikekokantu moshilongo okwaahathikepamwe moonkondo,oluhepo,okwaahena iilonga,elongitho lyiingangamithi,nomaitaalo gopamuthigululwakalo ga nika oshiponga ngaashi oondjokana dhaanona aashona.