Omudhimba gomunamimvo 16 O’Linn Nauyoma ogwa kuthwa metale lya Guinas moshitopolwa Oshikoto ohela

Nauyoma okwa lopotwa a ningine mu 08 Sept 2024 pethimbo eli notuula yoskola.

Omukwatakanithi gwekondololo lyiimbuluma moshitopolwa Oshikoto Dep Comm Titus Ekandjo ohela okwati ospan yaayogi yomeya okuza mo Dantica Diving mo Windhoek  oya thiki ketale omandaaha yaka konge omudhimba gwe.

Tati omandaaha,ospan ya kwatelwa komeho kaayogi yopautekinika okuza ko Germany nomulongi goku yoga omeya mo Dantica Diving oyayi metale oku nongonona onkalo,nomesiku etiyali,ohela,ospan yaayogi ya kwatelamo yopolisi yoshiilongo okuza mo Oshikoto Special Reserve oya shunamo metale  noku shi pondola oku kutha mo omudhimba gwe lopotundi onti 11h20.

Okwa hokololwa kutya omudhimba gwe ogwaadhika muule oshinano shoo metre 115,noku tongololwa kaapambele mboka yalipo pethimbo lyolukongo.

Omudhimba ogwa falwa koshipangelo sha Omuthiya,notagu ka falwa kokila ya Omuthiya,noku tuminwa ko labora yopolisi mo Windhoek nena.

Omakonakono gopolisi otaga tsikile.