Oo ali nale omuPrime Minister wa Kenya Raila Odinga, atalelapo omupresident Nangolo Mbumba

Oo ali nale omuPrime Minister wa Kenya Raila Odinga,  okwa talelapo President Nangolo Mbumba onghela.

Olopota oya ulika kutya Odinga,  euyo laye mo Namibia olili tali tale keenghendabala doku yambididwa oku ninga omunashipundi wo commissi yongonga hangano yoilyolongo ya Africa (AU).

President Mbumba ota kulopotwa atambulako etalelepo la Odinga,  opamwe nosheendo shaye  shaningilwa peumbo lepangelo mo Windhoek, no takutiwa konima ovakaya meenghundafana aado daningilwa konima yomivelo.

Omunapolitika ashiivika nawa wa Kenya,  okuli metifa loku talelapo oilyolongo ya yooloka mu Africa, shili eenghendabala doshikonga shaye osho tashi tale keyambidido loku kahoololwa mefiyafano loshipundi shounashipundi wo AU.

Tapopi noikundaneki konima yoshongalele shavo no mupresident Mbumba, Odinga okwa denga omufindo nghene shafimana mokweeta elunduluko li liwetikile meedjo denenedu la Africa,  oshoyo  oku lundulula  eenghalo nawa dovanhu unene tuu ovanyasha.

Okwati oshafimana oku tala keemumbwe nomaupyakadi akundukila ovanyasha menenedu, eshi enenedu la Africa,  olo lili lishona komanenedu talihangwa  70% doshiwana shili koshi yomido 35.

Epangelo la Kenya ota kulopotwa layandja edina la Odinga, oye aninge omuhoololwa oku kondjela oshinakuwanifwa shounashipundi wo commissi yoilyolongo ya Africa.

Okwa teelela vaka fiyafanepo oshipundi pamwe naminister woikwapondje wa Madagascar, Richard Randriamandrato,  oshoyo oo eli ominsiter yoikwapondje wa Djibouti, Mahmoud Ali Youssouf.