Elijah Ngurare, apula ondjodi yo mukokoli yoku kufa omeva mefuta itulwe moilonga

Oo ali nale omunambelewa omukulunhu mouminsitri wounamapya Elijah Ngurare, okwa pula ova Namibia va yandje efimaneko komukokoli  President Sam Nujoma, osho tati ota vapumbwa oku shininga mokwaalula etulomoilonga londjodi yaye  yoku longifa omeva taakufwa mefuta.

Ngurare okwa yelifa nghene omafaneko omukokoli oku kufa omeva mefuta nokwaadinda oshimongwa, oo adule oku longifwa moku yandja omayakulo koitopolwa ili moupyakadi woshikukuta unene oyo taihangwa konooli yoshilongo.

Okwati onghalo yelunduluko lomepo nopyakai wodula iha iloko vali ngaashi shakala oshafimana  paife  moku tula moilonga omafaneko omukokoli opo kukalekwepo ounamapya neyandjo loikulya koshiwana.

Ngurare tawedapo nghene oitopolwa yokonooli yoshilongo taihangwa omuvalu uli pombada woshiwana noita shidulu oku kala shelikwatelela ashike momeva oo haadi komulonga wa Kunene.

Okwati omeva odula okwa fimana ashike oshilongo ita shidulu oku kala she likwatelala muwo aeke, nomolwaasho ovawiliki ova pumbwa oku landula ondjodi yomukokoli Nujoma.

Okwati opojeka yomukokoli oya pumbwa oku tulwa moilonga, tahokolola nghene omeva oo taa dulu okulongifwa okuya koshitopolwa sha Kavango West-Kavango East oshoyo keenele dikwao doshilongo da yooloka.

Ngurare okwa yadja yoo omayele kepangelo lidike eemboola domeva meenele danuninwa ovanafalama vashona opo shivakwafele moku tekela oilikolomwa yavo noku etapo eendja, osho tati ota vadulu oku shininga pehena ekwafo lomeva odula.