Ombelewa yomukokoli Sam Nujoma metungo lakula lo Swapo, taika lundululilwa mo Museum

Omuulikwa President Netumbo Nandi-Ndaitwah, okwa yandja eshiivifo kutya ongudu yo Swapo oya ninga etokolo opo ombelewa oyo yali ya nuninwa omukokoli president metungo lipe longudu yo SWAPO mo Windhoek ilundululilwe mo Museum.

Moshipopiwa sha Nandi Ndaitwa, osho ayandja peuvukululo lo shihongwafano sho mukokoli Sam Nujoma, onghela shaningilwa peembonge dakula dongudu mo Windhoek, okwati museum ota ika kala onele yo inyangadalwa yo ndjokonona inasha nomuleli wotete wongudu oo akanangala.

Okwati oinyangadalwa oyo taika tulwamo inasha no ndjokonona yomukokoli Sam Nujoma,  ota ika longifwa moku yandja efano no ndjokonona yomukokoli komapupi taekeya.

Nandi-Ndaitwah talongifa omito oku pula ova Namibia naa veshe ovo vehefi ova Namibia vena oilongomwa  keshe tuu oyo inasha no mukokoli veyeete ko museum.

Okwa shiivifa yoo kutya onele yo komesho yetungo lipe omo mwa kwatelwa yoo onele yo inyangadalwa yaa veshe ota ikalukilwa Sam Nujoma.

Nandi-Ndaitwah oye auvukulula oshihongwafano sha Nujoma, oo tamonika  ena ohanona meenyala daye efano olo la talika la kufilwe konima yomafiku mashona okudja moshiningwanima sha Cassinga, efano olo taluulike omukokoli ali ahumbata okanona kedina  Ndinelao Mlukeni,  okanona aako ta kutiwa oka xupile moshiponga sha Cassinga omanga meme wako Selma Hauwanga, yee axulifilamo.

Omukokoli  Nujoma okwa manene oweenda waye mo 08 February 2025 axulifila moshipangelo tashi hangwa mo  Windhoek mepipi lomido  95.