Aanona oothigwa,mboka yeli moluhepo,naamboka yena uulema ya thika 376 000 ohaya pewa omakwatho gepangelo

Uuministeli wuuthikapamwe wuukashikekokantu,ekondjitho lyoluhepo nonkalathano owati ,aanona taku tengenekwa yeli 376 000 oya shangithwa mopolohalama yoothigwa naanona yeli moluhepo.
Omiyalu odha hololwa komunambelewa kuluntu guumimisteli Ndiitah Nghipondoka- Robiati ohela .
Nokwati omiyalu odha kalelapo oo % 10 dhoshigwana ashihe sha Namibia,ta dhenge omuthindo omashongo omanene ga palema oshigwana oshigundjuka omolwa omashongo gopaliko netukuko lyo COVID 19.
Ta holola wo nkene omwaalu tagu indjipala gwaanona ya pumbwa omakwatho moshilongo.
Ta fatulula kutya opolohalama ndjoka ya kwatelamo oshimaliwa shoothigwa noshimaliwa shaanona yeli moluhepo naamboka yena uulema,otayi lalakanene oku yambidhidhaa aanona mboka yeli moshiponga omolwa ekanitho lyomukuluntu gumwe nenge ayehe,mboka aavali yawo ya taalela oluhepo nenge okwaahena engungumano kopankalathano.
Robiati tati moonkambadhala oku kondjitha elongitho pambambo lyiimaliwa,uuministeli otawiindiile oshigwana shi lopote kehe elongitho pambambo lyiimaliwa mbyoka.