John Steytler afiyapo DBN

Omunambelewa omukulunhu mombaanga yo mayambulepo oshilongo (DBN), John Steytler, okwe likufa moilonga konima ashike eshi akala no shinakuwanifwa aasho oule wodula neehani 6.

Oo eli omunashipundi wewiliko lo DBN Evangelina Nailenge, okwa koleka koikundaneki onghela  tati Steytler, okwa ninga etokolo loku fiyapo oshilonga shaye,  yee akatwikile vali no inakuwanifwa imwepo oyo ena ohokwe muyo.

Lwopokati oopo okwati John Mbango, eli omukomesho moshikondo shomalundululo omuvalu woiniwe oye manga ta kelele poshinakuwanifwa shoku kwatela komesho ombaanga yomayambulepo fiyo osheshi taku kayandjwa eshiivifo laasho shina oku ningwapo.

Nailenge okwati Steytler, okwa kala no shinakuwanifwa shounambelewa kulunhu mombaanga okudja mu September 2023 temu hokolola nghene aeta elunduluko li liwetikile mombaanga.

Okwati ewiliko lo DBN, ota lika hovela diva noku tala oo ena oku lineekelelwa oshinakuwanifwa shoku kwatela komesho o DBN, osho tati otashi kaningwa meni lefimbo lixupi, no pefimbo opo twoo opo okwa ulika yoo olupandu laye ku Steytler, koilonga pondoli oyo alongela DBN pefimbo loku kala kwaye no shinakuwanifwa shounambelewa kulunhu.