Prime minister Eliyah Ngurare okwa talelepo o Namport ohela

Prime minister Eliyah Ngurare okwa endulula eitulemo lyepangelo  oku nawapaleka egandjo lyomayakulo,oku yambulapo uundikuwetikile,noku kwashilipaleka oshisho.

Ngurare okwali ta popi pethimbo a talelepo o Namibia Ports Authority kombaye ohela.

Etalelepo olili oshitopolwa shoonkundathana dhomupilima nomahangano ga yama kepangelo ,oku nongonona omakuthombinga gago meyambulepo lyopashigwana.

Eenda pamwe noministe yiilonga niiyenditho Veikko Nekundi,Ngurare okwa dhenge omuthindo onkandangala ya simana hayi dhanwa ko  Namport oku yambulapo eliko lyoshilongo ,oshowo oshikondo shoku tuta oondongelwa nomayakulo.

Ngurare ta tumbaleke oonkambadhala dho Namport meyambulepo lyopankalathano,unene oku pitila moshiketha shawo sho Social Investment Fund,shoka hashi yambidhidha elongo,uuyogoki,nomayakulo galwe ga simana.