Aanahambo moshitopolwa Oshikoto otaya indilwa yaaha lye onyama yoongombe dha sa komukithi gwepulu

Ngoloneya goshitopolwa Oshikoto Sacky Kathindi, okwa kunkilile aanahambo yiiyageke okulya oonyama dhoongombe ndhoka dhasi molwa omukithi gwepulu.
Okwa popi ndhoka pethimbo a talelepo oohambo moshikandjohogololo Omuntele noku tala onkalo yomeya metiyali.
Kathindi okwa ti epangelo olya gandja omiti dhoku tuntila iimuna oshali, moka  oongombe dha konda 12 000 dha tuntilwa, nelalakano lyoku  keelela omukithi gwepulu miimuna .

Okwa tseyitha oongombe 96 dha sa moshitopolwa omolwa omukithi ngoka.
Ta tsikile oku kunkilila aaniimuna yiiyageke okulya onyama ndjoka, ihe yeyi fikepo ngaashi shili pamilandu.
Ngoloneya okwali ayi pamwe nomukuluntu gopolosi moshitopolwa Commisiona Teopolina Kalompo-Nashikaku,  yayi nedhagadhaga omolwaasho oondjila dha patwa komeya.
Ta gwedhapo kutya otaya kala taya tala onkalo nota ka tuma ospan yuundjolowele yika gandje omayakulo hoka nziya