Osheendo shetanga lyegameno lya Tanzania oshili mo Windhoek

Osheendo okuza metanga lyegameno lya Tanzania osha thiki mo Windhoek metiyali netalelepo lyomasiku ga 3 kiiputudhilo dheulo yo Namibia Defence Force.

Etalelepo otali lalakanene oku nkondopeka elongelokumwe lyopakwiita noku yambulapo elongelokumwe lyomadheulo,shiikwatelela kuuministeli wegameno niipambele yaakondjeli manguluko.

Osheendo sha Tanzania otashi kwatelwa komeho ku Colonel Hamis Lussuna nosha kwatelamo Col Asmahan,omukalelipo gwetanga lyegameno lya tanzania mo Namibia,Major Jella Begga na Major Biswaro Malima.

Osheendo osha tamekele ko NDF School of Military Science koshiputudhilo sha UNAM.

Methimbo lyetalelepo osheendo sha tanzania otashi ka pewa uuyelele womuule woopolohalama dhomadheulo noo course hadhi gandjwa ko School of Military scince,o Namibia Command and Staff College,no NDF Training Establishment.

Oosheendo otashi ka talelapo omandiki okumona euveko lyomuule lyomikalo dha Namibia dhelongo lyopakwiita neyambulepo lyaanambelewa.