Oolopota dhomuuniilonga a dhengwa komukwashigwana gwa China sigo eso mo Windhoek odhiifundja,shiikwatelela kopolisi

Opolisi yoshilongo oyeekelehi oolopota komalungula komuhwahwameki Michael Amushelelo kutya omuniilonga omu Namibia okwa dhengwa noku thigwa a hulithe kaakwashigwana ya China ko factory ko Lafrenz ,tati omuniilonga nomugandji gwiilonga ayehe oyeehamekwa pethimbo lyomahilathano genasha nondjambi.
Omupevi komufala Kauna Shikwambi okwati oshiningwanima osha holoka lopotundi onti 17h30 ohela, ko Unit 44 Industrial Street mo Lafrenz.
Okwa lopotwa omuniilonga ayi kiilongwa a kolwa,eta ponokele omugandji gwiilonga nombele,moku ipopila,omugandji gwiilonga naye ta dhenge omuniilonga.
Opolisi tayiti aalumentu ayehe oya falwa koshipangelo ,ashike omuniilonga okwa ziko koshipangelo inaa pangwa pakuudha.
Kapena oshipotha sha tulwamo kwali,nomakonakono gopolisi otaga tsikile.
Shikwambi ta londodha oshigwana shi yande oku taandeleka uuyelele waahena uukwashili.