Omukainhu opamwe no kanona kaye ova lyatwa kosheendifo noku xulifa

Omukainhu opamwe no kanona kaye ova lyatwa kosheendifo noku xulifa.

Shelikwatelela kolopota yo polifi ya pitifilwa oikundaneki oshondaxa , oyati oshiningwanima osha holoka moshondaxa  4 May 2025  lwopo  23h00, pefimbo omushingi wosheendifo omunamido 42 eli omulumenhu ali tashingi otuwa yoluvala li mbulau  Toyota Hilux,  elidenga momweendi wokolupadi oo ahangwa ahumbata okanona.

Olopota oyati omukainhu okwa xulifila poshiningwanima,  omanga okanona oko ali ahumbata koo ka kaxulifa lwanima koshipangelo shepangelo kOmuthiya  omolwo ouyehame.

Olopota oyati oshiningwanima osha holoka mondjila yoshitofu ya Onkumbula–Elambo oyo taihangwa popepi nomukunda  Omalondo.

Ovapambele voo nakufya pefimbo onghundana yapitifwa kavali vashiivifilwa manga,  molwaasho oonakuningwa oihakanwa kavali vatongololwa natango.

Omakonaakono opolifi moshinima otaa pula komesho.