Omalugodhi mo Nile mo South Sudan otaga nayipaleke onkalo yomanyutu

Omalugodhi pooha nomulonga gwa Nile mo South Sudan oga keelela omakwatho gaa adhe aanona yena omanyutu ya konda 60 000 monooli uutokelo woshilongo uule hanga womwedhi ,shiikwatelela komahangano gaali gwiigwana ya hangana nena.
Ehangano lyo WFO nolyo UNICEF ogati oga tegelela iitungilutu mo Upper Nille state moka muna oondjele dhili pombanda dhomanyutu moshilongo,yi pwepo pehulilo lyomwedhi nguka.
Omukalelipo go WFP mo South Sudan Mary Ellen McGroaty momushangwa gopamuhanga go WFP no UNICEF oyati aanona oyo yotango oku mona iihuna pethimbo lyiikele yopaulumompumbwe.
tati nongele inaya mona iitungilutu nena okwa tegelelwa ya mone eindjipalo lyomanyutu.
Omahangano inaga holola kutya omalugodhi geni ga piyaganeka ondjila yawo yomewangandjo,ashike aakwiita yepangelo oya kala taya kondjo no White Army miitopolwa yili pooha na Nile okuza mu March.
Omalugodhi ogeetitha emangepo lyomutiyali president Riek Machar ,niigwana ya hangana ya londodha kutya oshilongo oshili kolungenge okushuna miita yopashigwana mbyoka ya hulu mo 2018.