Minister James Sankwasa, okwati edu ita li dulu oku tambekidafanwa no yeendifo

Minister womayambulepo eedoropa no maushayi, James Sankwasa, okwati elelo lodoropa ya Katima Mulilo ola kufa ombinga moilonga yoku halonga noyuuki oku  tambidafana edu no yeendifo.

Olopota oya ulika kutya edu olo latambidafanwa olongushu yo shimaliwa shidulife pee  N$50 million osho shali shaningwa mouwa welelo oku pewa oyeendifo ili 3.

Minister Sankwasa tayelifile oikundaneki kutya oplot imwe ota ihangwa ee 31 hectares, noina ongushu yoshimaliwa shidulife po N$50 million, oyo yalikolwa ku nakumona ouwa oo kwalopotwa ayandja oyeendifo ili ivali yeetuwa de Toyota Fortuner SUVs.

Sankwasa tapopi kutya oshipambu oshitivali shedu shoo ota shihangwa lunga  28000 hectares,  osho shapewa nakumona ouwa yee tayandje otuwa yobaki yo Mahindra kelelo lodoropa.

Okwati oshiningwanima osha ningilwe pokati ko 2020 no 2023.

Pefimbo letalelepo laye ko Katima Mulilo oshivike shadileko minister, Sankwasa  okwa yandja elombwelo kewiliko lelelo lodoropa likale la shunifako koovene oyeendifo oyo vapewa, molwaasho moveta yoshilongo kamuna omulandu oo wayandja oufemba woku tambekidafana.

Minister talongifa omito oku kunghilila ovawiliki velelo lodoropa kutya nonande pamwe ewiliko ola dopa oku shunifa oyeendifo koovene, ovo vali va yandja oyeendifo ita vadulu oku pewa edu olo ngaashi vali veshikundafana.

Okwati ewiliko olina oku katukilwa onghatu moshinima, ashike ina yelifa kutya onghatu ilipipo tai ka kala yakatukwa.

Sankwasa okwa yelifa noku yandja elombwelo kutya ota ka kala noku enda enda momalelo oitopolwa opo elitaleleko konghalo taihangwa momalelo.