Ovalongwanhu vefike 141, vapewa omapapa avo oulongelwe okudja ku NUST.

Ovalongwanhu vefike 141,  ovo vali ta velilongele omaifano ayooloka koshiputudilo sho Namibia University of Science and Technology (NUST) kendiki olo tali hangwa kEenhana moshitopolwa sha Hangwena, ova pewa omapapa avo oulongelwe.

Oshindingili sho kuyandja omapapa efindano loulongelwe osha ningilwa mendiki lomayambulepo okomaushayi la Billy Mwaningange, ta li hangwa momukunda Eembaxu.

Omupedu minister welongo Etungululo, Ovanyasha, omaudano, ounghulunghu no mifyuululwakalo Dino Ballotti, okwa pupula kombuda oshiputudilo sho NUST, eshi sha eta eyakulo neemito do kuyandja oulongelwe wopombada popepi no shiwana moshitopolwa sha Ohangwena.

Okwati oshiputudilo sho Nust mOHangwena, kashifi ashike epungulo la tulilwapo onakwiiwa yoshiwana shokomongula moshitopolwa,  ndee oshili yoo omito yafimana keyokomesho leliko.

Oo ali nale omupresident woshilongo Hifikepunye Pohamba, oo yoo naye amona omito yo kutyasha peyandjo lomapapa okwe sheendulula nghene elongo lafimana moku xumifa komesho oshiwana.