Namibia okwa tegelelwa a tyapule esiku lyotango lyo Genocide Remembrance day oshiwike tashiya,oku simaneka iihakanwa yomadhipago gakwaanohenda gomumvo 1904-1908

Epangelo olyiigidha 28 May onga esiku lyopashigwana lyondhimbuluko,nuuministeli womauyelele nomakwatathano gopaungomba wati olopota oya gandjwa kegumbo lyopashigwana oku gandja ethindilemo lyesiku lyo 28 May ,esiku lya yambidhidhwa kiigwana ya gumwa.
Pandjokonona,esiku ohali dhimbulukwa esiku momumvo 1907 sho epangelo lyokatongotongo lya German lya tokola oku pata ookamba dhoka dheedhilila oonkwatwa mo Namibia.
Ominista yomauyelele nomakwatathano gopaungomba Emma Teofelus okwa koleke kutya etyapulo lyesiku lyotango otali ka ningilwa ko Parliaments Gardens mo Windhoek.