Omupashiyoni omu Britain ngoka a mangwapo sho a thaneke aanona aashona yeli omudhulungu ko Grashoek living Museum mo Tsumkwe okwa tindilwa o bail

Omupashiyoni omu Namibia gomimvo 65 ngoka a mangwapo osondaaha sho a lombwele aanona yoshigwana shaayelele ko Grashoek living Museum mo Tsumkwe west yiihule eya thaneke,okwa tindilwa o bail sho a holoka mohofa ya Grootfontein.

Robert Douglas Brooks ngoka kwali a kalelwapo ku hahende gwe gopaumwene Thomas Andima okwa holoka komeho ya mangistrata Abraham Abraham ohela.

Epangelo olili ompinge nokumu pa eifutilemo mondjedhililo,taliti okuli omukwiilongo,notashi vulika a fadhukepo molwaashoka okushi uunene woshipotha shoka a taalela.

Nokwa thigala mondjedhililo,noshipotha oshuundulilwa ko 19 no 20 June omanga omakonakono gopolisi taga pula komeho,ye a vule oku ninga eindilo lyobail.

Omutamanekwa okwa taalela iipotha 38,mwa kwatelwa ekwatonkonga,ehepeko lyaanona paihulo,endjondjo lyaantu niipotha yilwe.

Omupopiliko gopolisi moshitopolwa Otjozondjupa Senior Inspector Maureen Mbeha okwati Brooks okwa kwata aaanona aamati naakadhona kiilyo yopaumwene,etayepe uuleke niimaliwa.

Iihakanwa aakadhona yeli 16, naamati yeli 14.

Omafano gamwe ogaadhika mefano lye,ndyoka lya kwatwako sho a mangwapo.

Brooks okweya mo Namibia onga omupashiyoni mo 15 May.