Professor Earle Tylor,omukalelipo shilongo gwa Jamaica mo Namibia okwa talelepo Mayor gwa Windhoek Ndeshihafela Larandja ohela

Professor Earle Tylor,omukalelipo shilongo gwa Jamaica mo Namibia okwa talelepo Mayor gwa Windhoek Ndeshihafela Larandja ohela,okwiikunda etulomiilonga lyetsokumwe lyelongelokumwe lyawo.
Yaali oya tothamo onkatu thaneko oku kwathela o Windhoek yaadhe oompito dhawo dhopahedhi,shoka tashi ka nana aapashiyoni noku etela oshilando iiyemo.
Noonkundathana dhika odheya dho oshilando sha Windheok sha taalela omashongo giimanga ko central Business District ndjoka tayi shuna pevi.
Methimbo efupi lya piti,oshilando sha Windhoek osha kala tashi longo oku yambulapo ondoolopa ,tashi tala koku shunapo omukumo gwaapunguli,oku tanununamo omapashiyono,noku yambulapo uuhupilo waakalimo.
Omu prof Tylor ta holola kutya okwiitaala kutya o Windheok otayi vulu oku ilonga oshindji koshilando Kingston,ngela tashiya koku topola oohedhi.
Ta holola iituthi ya yooloka yopaahedhi mo Kingston mbyoka hayi kwatelemo noku nyanyudha aakalimo,mwa kwatelwa oo music,uudhano,iinyandwa noo cinema.
O Windhoek noshilando Kingston oya shaina etsokumwe lyotango lyo Sister Cities Agreement mo 2019,nolya shunwapo mo 2022.
Etsokumwe ndika otali lalakanene oku nkondopeka uukumwe wopandjokonona,wopaliko nowopaahedhi pokati kiilandopangelo yopaali,okupitila melongelokumwe.