Ovafeekelwa 3 medipao lomukainhu koRundu va anyenwa omito yoku lifutilamo

Ovafeekelwa veli 3 medipao lo mu kainhu womido dili  25  Haingura Veronica Mate, momukunda  Sivara tauhangwa moshitopolwa sha Kavango West ova holoka komesho yo mangu ya magistrate wa Rundu etitano.

Va 3 ovo vatulilwe moipandeko etitatu ladileko ova tongololwa no madina kutya ovo Mathias Siteketa Kangumu, 22, Sikongo Asgar Morosi, 29, na Zoka Kanisius Sikongo 30.

Aveshe pefimbo va holoka komesho yo mangu ina va pewa omito yo ku lifutilamo no shibofa shavo osha undulilwa komesho ko 19 September 2025.

Ota ku hokololwa kutya, olutu la nakufya ole li tuwilwe metivali efimbo longula po 07H20 mo mukunda Sivara, omanga ohanona ya nakufya yeehani dili 10, yoo ya hangwa lunga ee meter donumba oku dja opo pahangwa olutu laina.

Okanona ota kulopotwa ka kufwapo no ku twalwa koshipangelo oko keli taka ningilwa omakwafo ouhaku pefimbo eli.

Shelikwatelela ku Chief Inspector Raimbert Muronga, wo polifi mo shitopolwa omo omwa ningilwa oshiningwanima, okwati Mate okwa hangwa amonifwa oshiponga mofingo no moshipala oshoyo kouluvi.

Okwati omakonaakono opetameko okwa ulika yoo kutya ota shidulika nakufya okwatwa keenghono omanga ina dipawa.

Omakonaakono opolifi moshinima otaa pula komesho.