Oilongo ya Africa ili 7 ya tulilwapo eendjidikila do kuya ko US

Ovanambelewa oshoyo ovakalimo moilyolongo ya Africa onghela ova ulika va halukifwa ke tokolo la yandjwa ke pangelo la US opo ku kale kwa tulwapo eendjidikila do malweendo ovanhu okudja mo ilyolongo imwepo mwa kwatelwa ya Africa okuya ko US.

Oshikundaneki sho abc news osha lopota kutya mokati koilongo oyo ya tulilwapo omangabeko omwa kwa telwa oilongo ili 7 ya Africa yo moilongo ili 12 younyuni, oyo ya pewa elombwelo opo ovanhu vayo va ha lyatemo omadi mo US.

Elombwelo olili oshitopolwa sho mukanda saino oo wa tulwa moilonga ko mupresident wa US Donald Trump onghela.

Mokati koilongo ya kumwa ya Africa omwa kwa telwa ngaashi oshilongo Chad, Republic of Congo, Equatorial Guinea, Eritrea, Libya, Somalia na Sudan.

Lwopokati opo omukanda wa pitifwa ke hangano lo ngonga hangano ya Africa, onghela owati omangabeko atulwapo ku US oku li taa lulumike noku nyemateka oshiwana oshoyo omakwatafano elongelo kumwe oo akalapo mo nakudiwa pamwe no shilongo US.

Omukanda ta upula opo US atalulule omulandu waye no kweetapo eenghundafana odo tadi etapo ekandulepo lo mukundu no ilyolongo ya kumwa.