South Africa okwiitulamo oku eta moshilongo iipongolo yaantu mbyoka kwali ya falwa pondje yoshilongo pethimbo lyuukoloni

South Africa okwiitulamo oku eta moshilongo iipongolo yaantu mbyoka kwali ya falwa pondje yoshilongo pethimbo lyuukoloni,naamboka ya hulithile muupongekwa onga aahwahwameki yeli ompinge nuukoloni,shiikwatelela kuuministeli welongo.

Minister Gayton McKnzie okwati epangelo olili moonkundathana niiputudhilo yopondje yoshilongo,oku galula iipongolo yaavalelwamo,mwa kwatelwa aantu okuza moshigwana shaa KhoiSan,mboka ya talikako onga aantu yotango yoshilongo .

Tati oospan dhepangelo odha talelapo wo iishiindalongo ngaashi Angola na Zimbabwe oku tala oombila noku konga mboka ya hulithila miilongo mbyoka pethimbo lyekondjelomanguluko lyoshilongo,opo iipongolo yawo yeetwe moshilongo.

Onzonkundana yo AFP oya lopota kutya minister guudhano,uunkulungu noohedhi okwa tseyitha ompangela oku fumbikulula aazalelwamo yeli 58 mboka iipongololo yawo kwali ya fumbulululwamo nelalakano lyomapekapeko koo Museums nokiiputudhilo yilwe.