Omupilima gwa Israel Benjamin Netanyahu okwati okwa tegelela iiponokela ya Iran

Omuprime minister gwa Israel Benjamin Netanyahu okwati okwa tegelela iiponokela ya Iran okuyamukula kiiponokela ya Israel ohela,tati okwali a thaneka oshiponga shi ningwe mu April.

Tati okwali ya tegelela iiponokela ya Iran,momushangwa gopa video sho aakwiita ya Israel ya dhenge iishonekwa yopakwiita noyiikwalute oowili dhongula yohela.

Tati okwali sha pumbiwa oku katuka onkatu ,nokwa tulapo esiku tulomiilonga pehulilo lya April,tati omolwa omatompelo ga yooloka,ompangela inayi longa.

Onzonkundana yo AFP oya lopota kutya Iran okwithana iiponokela ya Israel onga eigidho lyiita,omanga omupresitend gwa America Donald Trump a londodha Tehran iiponokela oyindji ngele ina etapo ompangela kopolohalama ye yiikwalute.

Israel okwa holola  kutya iiponokela yomewangandjo oya dhipaga aanambelewa yopombanda ya Iran naanongo,mwa kwatelwa ewiliko lyopombanda lyo  Revolutionary Guard air force,noku dhenga iishonekwa ya thika 100,mwa kwatelwa omandiki giikwalute.