Omupresitend gwa S.A Cyril Ramaposa okwa thiki ko Canada komutumba go G7

Omutumba go G7 otagu ningwa oshiwike shika mo Canadian Rockies naaleli yomaliko omanene ya tameke okuthika ohela.

Omutumba ogweya pethimbo lyiikolokosha pokati ka Israel na Iran ,niita yiipindi inaayi potokononwa yomupresitend gwa America Donald Trump  nookuume oshowo naakondjithi.

Iita mo Ukraine otayi kala oshitopolwa shoonkundathana.

Onzonkundana yo Africa news oya lopota kutya omupresitend Volodymyr Zelensky okwa tegelelwa aye komutumba,nokwa tegelelwa a tsakanene na Trump.

Pethimbo lyomutumba,Ramaposa okwa tegelelwa a tsakanene nomupresitend gwa America Donald Trump.

Otashi kala oshikando shawo shotango taa tsakanene okuza moshigongi shawo shomo White house mu May,sho Ramaposa kwali a pulwa ku Trump kombinga yoolopota dhomadhipago gakwaanohenda taga ningilwa aatiligane aa S.A aapopi yoshimbulu.