Esiku lyomapendafule otali ka dhimbulukilwa ko Zambzi nuumvo

Uuministeli womauyelele nomakwatathano gopaunga owa tseyitha kutya etyapulo lyesiku lyomapendafule eti 35th otali ka ningilwa moshitopolwa Zambezi.

Esiku ohali dhimbulukiwa kehe omumvo oku simaneka etameko lyiita yekondjelomanguluko lyoshilongo kOmugulugombashe mo 1966,noku simaneka mboka ya kondjela emanguluko lyoshilongo.

Esiku ohali unganekwa kiitopolwa ayihe, tali taambathana kehe omumvo,nomumvo gwa piti okwali lya tyapulilwa mOmuthiya moshitopolwa Oshikoto.