China na Russia tava pula kuhangwe ombili moushilo wo pokati

Omupresident wa China Xi Jinping opamwe na mbushe waye moilonga wa Russia Vladimir Putin, okwa lopotwa va tulilafanako keembiya oku pitila mo makwatafano opangodi kombinga yo nghalo oyo ta i linyenge mondingandinga youshilo wo pokati.

Oshikundaneki sha China sho Xhinhua  osha lopota kutya meenghundafana davo omupresident wa China, okwa denga omufindo nghene sha pumbiwa opo kwee ndelelifwe omikalo odo tadi lalakanene oku xulifapo oita unene tuu okudja ku  Israel, opo shikwafele eyo moshipala le tandavelo lo makuyunguto noku hena engungumano moilyolongo.

Xi, ta kunghilile kutya onghalo yo malwoodi taitwikile ka ili ashike omunyonena kwaavo va kufa ombinga,  ndee okwa tala ta idulu okweetela oupyakadi oilyolongo aishe oyo ta ihangwa moushilo wo pokati.

Okwati kewete elongifo lo ilwifo olo ekandulepo lo mukundu nokwa pula ovaleli vatule eameno lo shiwana koshivalo sho tete.

President Xi natango ta pula opo ku tulwepo eenghundafana odo tadi lalakanene okweeta pexulilo omakuyunguto no kwa pula oilyolongo ishikule omilanduveta do paiwana no kwaamena eemwenyo do shiwana.

Okwa yandja yoo omayele kutya oshikumungu sho upyakadi wa  Iran she longifo lo ikwalute,  osha pumbwa oku ka ndulwapo tashipitile meenghudafana dopa politika, nomolwaasho apula opo oilyolongo yo paiwana oinanghono ikwafele yoo ilivangeke oku hongaifa.

Okwati China okuli elilongekida noku longela kumwe noilyolongo aishe ya kumwa mo kweeta ombili ne ngungumano moilyolongo.

Pefimbo leenghundafana davo omu president Putin,  naye okwa ulika atwa kumwe no mu president wa China,  taulike nghene etokolo la Israel oku ponokela omandiki oikwalute a Iran shili sha nyika oshiponga.

Omupresident wa Russia naye okwa pula yoo ku tulwepo eameno lo shiwana noku tala nghene oshikumungu shoikwalute sha Iran tashi dulu oku potokononwa.

Ovaleli aveshe vo ilongo ivali, ova ulika elongelo kumwe lavo moku nghonopaleka eyambidido no makwatafano mawa okweeta ombili moilyolongo yo ushilo wopokati.