Namibia okwiindiile ehulithepo lyomahilathano mo Middle east sha landula iiponokela yopakwiita ku America na Israel mo Iran,

image(Nampa)

Namibia okwiindiile ehulithepo lyomahilathano mo Middle east sha landula iiponokela yopakwiita ku America na Israel mo Iran,mbyoka ya dhipaga omuleli gopombanda gwa Iran Ayatollah Ali Khamenei,opamwe naaleli yalwe yopashigwana,yopakwiita,naakwashigwana.

Momushangwa gomandaaha guuministeli wiikwapondje yoshilongo,owa owa nongela neikwatopomutima etsikilo lyomahilathanoo geetithwa koonkatu dhopakwiita dha ningwa olyomakaya.

Uuministeli tawu londodha kutya onkalo oyina oshiponga shoku etitha okwaahena engungumano moshitopolwa shoka sha taalela nale okwaahena engungumano,nokuya moshipala ombili negameno lyopashigwana.

Namibia tiindiile oongundu adhihe dhinamo ombinga dhi yande oonkatu inaadhi pumbiwa,oku shilipaleka ehulithepo lyiikolokosha meendelelo,noku shuna poshitaafula shoonkundathana oshowo omikalo dhopaunadiplomate onga omukalo awike okwaadha ombili.

Uuministeli tau hokolola wo omayambulepo kutya ogena iilanduli iinene yombili yopauyuni negungumano lyopashitopolwa,noku dhenga omuthindo kutya omahilathano mo middle east oshowo pomudhingoloko go Middle east otaga kala niilanduli pondje yomahala giikolokosha.