O Financial Intelligence Centre muukumwe no EU omandaaha oya tameke noshigongiilonga sho National Risk Assesment

O Financial Intelligence Centre muukumwe no EU omandaaha oyeendulula eitulemo lyawo oku nkondopeka okuvula kwa Namibia oku kondjitha iimbuluma yopashimaliwa, petameko lyoshigongiilonga shuule woshiwike shimwe sho National Risk Assessment mo Windhoek.

Oshigongiilonga sha tameke ohela tashiyi sigo etitano,oshili oshitopolwa shoonkambadhala dha Namibia oku yambulapo omikankalandu dhe dho Anti-Money Laundering, Combating the Financing of Terrorism and Countering Proliferation Financing (AML/CFT/CPF).

Omushangwa gopamuhanga ogwati osheetwapo otashi kongo oku kalelapo uuyinekelwa womulandu gwa Namibia gopashimaliwa,oku yambulapo omukumo gomapungulo ,noku kutha ombinga mekoko lyeliko tali kalapo notali kwatelemo.

Notashi yambidhidha wo oonkambadhala dhoshilongo dhoka dhili metifa, dhoshilongo tashi zimo momusholondondo gwiilongo mbyoka yina omilandu dha nkundipala dhoku kondjitha iimbuluma yopashimaliwa noku yambidhidha uukulo ,dho Financial Action Task Force ,noku longekidha enongonono taliya lyo Eastern and Southern African Anti Money Laundering Group.

Aakuthimbinga moshigongiilonga omwa kwatelwa aakalelipo okuza mo Namibia Financial Institutions Supervisory Authority (Namfisa), the Bank of Namibia, National Planning Commission, Bankers Association of Namibia, Office of the Prosecutor-General, Business and Intellectual Property Authority (BIPA), o Master of the High Court, oshikondo shopashimaliwa shaaheshi shopambaanga,, Law Society of Namibia, o Namibian Police Force, Anti-Corruption Commission no  Council of Churches in Namibia.

Ta popi peegululo lyoshigongiilonga,peha lyomukuluntu wiliki go FIC Bryan Eiseb ,Zenobia Barry,omupevi kuluntu go FIC okwati omadheulo otagaka nkondopea aanipambuliko yuuveko oshikumungu sho NRA noku longekidha kuthombinga lina oonkondo ngele enongonono lya tameke.