Namibia okwa tulwa ponomola ontiyali oku kala ena oondjila oombwanawa mu Africa momumvo gonuumvo,ena iitsa 5.57 yomiitsa 7 ngaashi sha lopotwa ko Statista. Egypt okuli ponomola ontiyali ena iitsa  5.53 na Benin ena iitsa 5.0. Shika osha tseyithwa ko Namibia Investment Promotion and Development Board . Namibia okwa kala noku pewa esimaneko lyoku kala noondjila oombwananwa mu Africa iikando ihamano ya landulathana okutameka mo 2016 ,ngaashi shili molopota yo World Economic […]

Ombaanga  oyeya ponomola ontiyali methigathano lyo Battle of the banks lyuunganekwa ko ICAP Training Solutions mo South Africa. Ethigathano lya ningwa molyomakaya ya piti,olyeeta pamwe iiputudhilo yopombanda yopashimaliwa okuza menenevi,okuulika owino nomadhingoloko giikalekelwa goombaanga dha Africa. Omukuluntu wiliki go Bank Windhoek Baronice Hans okwa tumbaleke epondolo,tati olili uumbangi weitulemo lyombaanga okuyela iitalenti yomoshilongo, noku nkondopeka onkatu yawo onga omukomeho moshikondo. Ethigathano olya tamekele mo 2017.

Omupopiliko gwelelo lyoshilando Lydia Amutenya okwiindiile aakalimo ya kuthe oonkatu dha pumbiwa oku ilongekidhila oomvula dhoka tashi vulika dheetithe omfundja. Amutenya tati opena ompumbwe yoku thitulula uupitilo womeya opo omeya ga tondoke nuupu.

O SABC oya lopota kutya omupresitend gwa Brazil ta thigipo uunashipundi Luiz Inacio Lula Da Silva okwa gandja uupresitend go G20 komupresitend Cyril Ramaposa pehulilo lyomutumba mo Rio de Janeiro kuyele ohela. Ramaposa tati ndjika onkatu ya simana ku South Africa,oshikando shotango oshilongo sha Africa tashi ka kuutumbika noku unganeka omutumba go G20. Luiz Inacio Lula Da Silva okwati oyena oshinakugwanitha okulonga hwepo. Ta halele ompolo Ramaposa oku kwatela komeho […]

Epangelo olya tseyitha lya gandja efumbiko lyopambelewa kelenga lya Uukolonkadhi,Daniel Shooya ngoka a hulitha mepipi 97. Efumbiko otali ningwa olyomakaya ndjika komawendo ga Omuthitu Gwatshishele. Shooya okwa kala elenge lyelelo lyopamuthigululwakalo gUukolonkadhi okuza mo 1985,shiikwatelela kuuministeli womauyelele nomakwathano gopaungomba.

O SABC oya lopota kutya omidhimba odhaadhika pooha nondjila yeshina lyokolutenda ongula yonena. Ya 4 oya kolekwa ya hulitha pehala lyoshiponga,omanga yalwe yaali ya falwa koshipangelo. Omupopiliko gopolisi moshikandjo Dimakatso Nevhuhulwi okwati opolisi oya dhengelwa ongodhi kombinga yomidhimba dhaalumentu ya 6 dheekelwahi pooha nondjila yeshina lyokolutenda. Tati aalumentu oyena iilalo komalutu gawo. Nopolisi otayi konakona oshipotha shedhipago nonkambadhala yedhipago.