Omuxwaxwameki wopolitika moZimbabwe elituwa axulifa.

Omuxwaxwameki wongudu yomilamemo moZimbabwe okwa lopotwa elituwa axulifa konima yomafiku eshi ali akwatwapo ombabjona pefimbo ahangwa taningi oikonga yomaudifeko omahoololo awedwapo moshilongo osho.

Ongudu yaye yo CCC oya lombwela oikundaneki onghela kutya olutu loshilyo shavo Tapfumanei Masaya,  oo ali aiwa naye kovalumenhu vahomata efimbo lomutenya molomakaya moHarare,  ola hangwa komukunghulo woshilando Harare lihena mwenyo.

Opolifi moshilongo osho oye shikoleka kutya okwe lituwa molutu lomunhu ,  ashike ina iyandja oukwatya wanakuningwa oshihakanwa.

Konima yomakuyunguto ali aetififwa koidjemo yomahoololo mo Zimbambwe mu August, ovaZimbabwe vamwe ova teelelika veke lifole momahoololo opaitopolwa momwedi wa  December.

Masaya ota kulopotwa ahangwa taningile oikonga yomaudifeko omuyambididi wongudu yo CCC moHarare moshilando Mabvuku, pefimbo akufwapo keenghono kovalumenhu vahomata noku mufininikila mosheendifo shavo, nolwanima okwe kelituwa axulifa.