Opolifi yaShikoto yelitulamo moku kelela oiponga pefimbo lomatango manene.

Commander wopolifi moshitopolwa sha Oshikoto Teopoline Kalompo-Nashikaku, okwe shiyelifa nghene opolifi ili yeli pyakudukwa noku litulamo okulwifa oimbuluma pefimbo eli lomatango manene twa taalela.

Tapopi poshongalele shopolifi mo shitopolwa osho sha nuninwa omalilongekidilo oivilo yomatango manene shaningilwa onghela peembelewa dopolifi odo tadi hangwa momudingonoko wa Muthiya, Nashikaku okwati oshikonga shekondjifo loimbuluma yomatango manene  osha teelelika shika kale sha hovela momafiku  17 November 2023 notashiifiyo  17 January 2024,  nelalakano okwaa mena ominyonena oshoyo eyo moshipala lomafyo noiponga haidulu okweetifiwa meendjila.

Nashikaku okwa ulika opolifi ina elitulemo loku kwaamena oiponga meendjila oku shiyelekanifa naasho shaningilwe omudo wadjako pefimbo ovanambelewa tava kakala mondjila yakula yo  B1.

Commissioner  okwati oshitopolwa ota shikakala yoo shiyadi ovanhu pefimbo loivilo yomatango manene , nomolwaasho apula oshiwana shilongele kumwe nopolifi .

Okwapula aaveshe ovo tava longifa eendjila dapitila moshitopolwa sha Shikoto vadulike komilandu veta domeendjila odo datulwapo opo ashike shixupife eemwenyo doshiwana.