Dr. Alfredo Hengari aanya okutyakosha kwaasho sha kufifa Ndevashiya moilonga.

Omupopiliko womuPresident , Dr. Alfredo Hengari, okwaanya oku yelifa kutya oshike sha xwaxwameka omuPresident Hage Geingob akufe moilonga Ngoloneya woshitopolwa sha Hangwena   Walde Ndevashiya .

Shelikwatelela kolopota yoshikundaneki sho News On One,  eshi omupopiliko apulwa ngeenge pamwe Geingob,  okwa kufa Ndevashiya moilonga  shinasha noshikumungu shao eli xee younona shinasha nehokololo lapitifilwe moikundaneki kuyele , Hengari okwati ita dulu okutyasha komapopyo oludi latya ngaho.

Okwati osho tadulu oku popya oshosho ashike kutya omuprsident okwa kufa etokolo lokukufa moilonga ngoloneya ngaashi ena eenghono okushininga shelikwatelela ketukulwa eti 32 lekotamango loshilongo,  olo leemupa eenghono okuulika oshoyo oku kufa moilonga.

Tapopi noshikundaneki osho twoo osho  Sebastian Ndeitunga, okwa ulika eli ofika yekonghola oku yandja eyakulo koshiwana sha Hangwena ngaashi eshiinekelelwa komupresident.

Ndeitunga okwati ota kalongela kumwe noshendo shovanambelewa melelo loshitopolwa sha Hangwena,  okuya moshipala omikundu nomashongo ataalela oshiwana omo mwakwatelwa onghalo yoshikukuta, oulunga, omalikufo eemwenyo, elongo okutumbulapo ashike imwepo.