Ovanafalama mo Limpopo tava pula epangelo livatwe epepe moku kondjifa omukifi wekondo nelaka.

Ovanafalama momudingonoko woshitopolwa   Limpopo moSouth Africa,  ovapula oshikondo shounamapya moshilongo shivatwe epepe moku kondjifa etandavelo lomukifi wekondo nelaka oshoyo eshikisha loikwa mavava.

Shelikwatelela kodjo nghundana yo SABC News, oyati oshitopolwa osha taalela oupyakadi womukifi wekondo nelaka unene meenele odo dapalafana eengaba noshikunino shopashiwana shoifitukuti shaKruger.

Omukifi fiyo opapa otakutiwa ouli yoo wakuma eenele ngaashi   Vhembe oshoyo Mopani, osho sha etififa opo kukale kwatulwapo eedjidikila domalinyengo oimuna nelandifo leengobe okuya koitopolwa ikwao .

Oo eli omunambelewa kulunhu ekwetele komesho oshikondo shounampaya moshitopolwa Thabo Mokone,  okwa pula ovanafalama veli vangeke oku landa oimuna okudja keenele dili moshiponga shomukifi.

Ovanafalama ovo vakumwa ota kulopotwa vali vashakena novanambelewa okudja koshikondo shounafalama moshongalele osho shali momudingonoko wa  Polokwane, nova pula opo oshikondo shepangelo shiva yambidide okuvapa ounongo nomadeo nghene vena oku ungaunga noimuna yavo.

Oshikondo shounamapya osha ulika sheli tulamo mokuyambidida ovanafalama opo tashi pumbiwa.

Omukifi wekondo nelaka owa didilikwa hau tandavele meendelelo noha ukwata oinamwenyo oyo ina omakondo ngaashi eengobe,  eedi oshoyo oingulu.