Edimbuluko lefiku lokanona mounyuni omongula moWalvis Bay

Tapopi nondjo nghundana yetu yoFuture Media News,  oo eli omupopiliko wouminsity woufike pamwe paukashike koo okanhu ekondjifo loluhepo nonghalo nawa yoshiwana Lukas Haufiku okwati,  Namibia neudo okwe limanga oukuni kumwe noshilongo Botwana, Zambia, Zimbabwe oku dimbuluka efiku lounona mounyuni.

Okwati efiku oha lidimbulukiwa alushe mo 20 November omudo keshe, ashike neudo ota li dimbulukiwa mo 19 November tashiningilwa mo mudingonoko waWalvis Bay , omo ounona okudja moilongo yatumbulwa metetekelo tava kakala poshiindingili.

Omupopiliko tapopi kutya oshiindingili shoku tyapulila efiku pamwe ohave shuunganeke keshe komudo moku lipaafafana omalufo ngaashi mo 2021 oshali mo Zambia omanga mo 2022 shali koBotwana noneudo ota shiningilwa mo Namibia.

Haufiku tayelifa kutya omuvalu wovanhu vadja moilongo oyo vakonda po 200 ota vakala veya moshilongo opamwe neePresident doilyo longo yavo,  osho tashi kayandja omito kounona oku kundafana kombinga yomaupyakadi evakuma.

Efiku neudo ota lidimbulukiwa koshi yexuku olo taliti ‘’Omaudaneko oo aningilwa ounona taa shitululwa’’.