Oimbuluma moSA yatalika yashuna pedu kashona.

Omuvalu wovanhu vefike po 6,945 okwa lopotwa vadipawa mo  South Africa  oku fika moshititatu fimbo shomudo woneudo,  oku shiyelekanifa nomuvalu wovanhu vefike po 7,004 ovo vadidilikilwe vadipawa moshilongo mefimbo lafaafana.

Oshikondo sheameno moshilongo South Africa oshati,  oshili yoo sha didilika omuvalu washonopala moimbuluma yayooloka omo mwakwatelwa omadipao, ominyeka doyeendifo ngaashi omatruck noihauto osho shatalikila meenghendabala domupondo daetwapo okudja kopolifi.

Oo eli ominister yoPolice  moSA  Bheki Cele,  okwati omuvalu oo waya ndjwa owa didilikwa okudja momwedi wa  July fiyo September 2023.

Minister okwati oimbuluma oya shuna pedu omolwo eenele odo dadilikwa hadiningilwa unene oimbuluma datulilwapo eenghendabala deameno,  oshoyo oikonga oyo yakala noku unganekwa kopolifi.

Mo South Africa omwa didilikwa yoo ominyeka kwahomatiwa doimaliwa difike po 64,  ashike okwati ina kudidilikwa ominyonena daningilwa eembaanga.

Minister Cele, tapula oshiwana, omahangano epangelo nao ehefi epangelo,  eli mange kumwe nopolifi moku kondjifa oimbuluma.