Ongudu yomilameno moLiberia otashidulika ifindanepo omahoololo.

Omukwateli komesho wongudu yomilameno mo Liberia Joseph Boakai, okwa talika eli komesho kashona moidjemo yomahoololo oyo yapitifwapo fiyo opapa ko Commisi yomahoololo moshilongo.

78- omunapolitika mukulu kulu ota kulopotwa molopota yaxuuninwa taulike afikama eli komesho nee  50.89%  dovahoololi,  omanga omukondjifi waye oo eli omupresident woshilongo George Weah,  afikama povahoololi vefike pee 49.11%.

Omuvalu oo wamonikapo fiyo opapa ota wuulike ongudu yomilameno ili komesho novahoololi vedulife po  28,000  eshi oidjemo yomahoololo ili pokumanifwa paife.

Oidjemo yomahoololo oyo yapitifwamo tayuulike ongudu yomilameno ili komesho,  ota kulopotwa ya tukulula ehafo mokati koshiwana tashi hangwa moshilando pangelo Monrovia.

Ocommissi yomahoololo oyati fiyo opapa oya yandja oidjemo yakalelapo 99.58%  doi taasi yomahoololo.

Oo eli omunashipundi wo commisi yomahoololo,  Davidetta Browne Lansanah, okwati omahoolo okudja poshitaashi shimwe okwa pumbwa okushunamo vali nena,  naashi osheyapo konima eshi kwadidilikwa oku hena oushili okudja moitaasi ikwao ili 20 taipumbwa oku ningilwa vali omakonaakono.