Ovakwaita vetanga laMali velitwa melambo loipongolo yovanhu.

Etanga leameno lopakwaita mo Mali olati olelitwa melambo loipongolo yovanhu monooli ushilo woshilando Kidal, konima ashike yefiku limwe eshi layandja eingido kutya ola kufako oshilando shakala momahepeko oungudu youkulo yo vanhu vomuhoko wava  Tuareg .

Momukanda oo watuminwa oikundaneki mexulilo shivike okudja koshikondo shetanga leameno moshilongo owati,  ove litwa mombila yoipongolo pefimbo loshikonga osho shali shaunganekwa etine ladileko momudingonoko omo.

Nande ongaho oshikondo ina shiyandja vali ouyelele udulife pwaao, ashike oshati omakonaakono moshinima okwa hovela noku kwashilipaleka kutya,  ovo venamosha moshiningwanima ovena oku taalela oshikondo shouyuuki.

Etanga lopakwaita loshilongo Mali otakulopotwa lakufako etonatelo loshilando etivali ladileko,  konima eshi omatanga etumo loiwana yahangana mo Mali  (Minusma) afiyapo omudingonoko oo,  shili oshitopolwa sheudafano twokumwe olo latulwapo koshikondo shetanga leameno loshilongo , kutya omatanga akale afiyapo oshilongo oku xulila pexulilo lomudo ou tuli.