Aapashiyoni ya Ghana ya thika moshilongo

Ongundu yaapashiyoni aa Ghana yeli 21 oya thiki moshilongo ohela nosheetwapo sho November in Namibia Tourism and Business Pilot initiative.

Uuministeli wiikwapondje yoshilongo nomalongelokumwe gopashigwana momushangwa owati osheetwapo otashi lalakanene okuyambulapo oshikondo shomapashiyono ngaahsi shili miilalakanenwa yetsokumwe lyo African Continental Free Trade Area no‘The Africa We Want’

Osheetwapo oshili wo oshitopolwa shuevathanotsokumwe lyomapashiyono pokati ka Namibia na Ghana lya shaininwe mu April 2022 mo Accra,tali lalakanene okweetapo ekwatathano lyaa Africa mboka yena ohokwe yiipindi.

Ngoka kwali o Ambassodor ya Ghana mo Namibia Alhayi Abdul Rahman Harruna Attah,ta popi niikundaneki kokapale koodhila ka Hosea Kutako ohela okwati ongundu oya kwatelamo aanamadhina ngaashi oondohotola dhopaunamiti,aanyanyudhi,aanambaanga,aanamadhina moshikondo shopaveta,naanangeshefa.

Ongundu otayi kala moshilongo omasiku 10,notayi ka talelapo komunkulofuta nokiitopolwa ya yooloka yoshilongo.