Ngoloneya mupe waHangwena elilongekidila okulongela kumwe noshiwana.

Ngoloneya opo aulikwa moshitopolwa sha  Ohangwena , Sebastian Ndeitunga, okwati okwa manguluka oku tambulako onghalo yopapolitika moshinakuwanifwa osho elineekelelwa noku yandja eyakulo olo tali pumbiwa koshiwana.

Oshikundaneki sho Radio yomudidimbe shopashiwana moshilongo oshati , Ndeitunga edi okwe dipopya onghela pefimbo ali tatambulako pambelewa ombelewa youngoloneya noku shakena yoo novanambelewa velelo lopashitopolwa.

Pefimbo tatambulako oshinakuwanifwa okudja komulanduli waye, Ndeitunga okwati ineya oku kandulapo omashongo ataalela oshiwana oye auke,  ndee ota pula elongelo kumwe laaveshe okudja kovakwateli komesho moikondo yayooloka yelelo loshitopolwa sha Hangwena.

Okwati omikundu odo da taalela oshiwana ota di dulu ashike okumonenwa omakandulepo omikundu ngeenge ovanhu tava hangana, noku longela kumwe noku dulika yoo komilandu veta odo dilipo, nomolwaasho tapula elongelo kumwe laaveshe.

Ndeitunga tapula ovanambelewa vaye vaxwameke omepo yokuyandja omakwafo taapumbiwa koshiwana oshotati ota shiningwa ina shitalikila koukwamuhoko ile paitavelo lopamepo,  opo ashike omayambulepo aetwe popepi noshiwana.

Lwopokati oopo oo ali nale ngoloneya woshitopolwa sha Hangwena Walde Ndevashiya, oo akufwa oshinakuwanifwa shaye oshivike shadjako, okwa longifa omito oku halela omolo iwa ngoloneya mupe Ndeitunga nokwe muhalela omukumo moshinakuwanifwa shaye shipe oku kwatela komesho oshitopolwa.

Okwati okuli yoo elilongekida oku yandja eyambidido laye ku Ndeitunga opo telipumbwa ngenge tashipumbiwa.

Oshitopolwa sha Hangwena osha talika shili oshitopolwa oshi 2 moitopolwa yoshilongo taihangwa ouhapu wovanhu nosha didilikwa shina omuvalu wovanhu vedulife po 250,000.