Ohanana dhuupelema dhomo Gaza dha falwa ko Egypt

Oohanana dhuupelema okuza mo Gaza mehulilo shiwike odha kuthwa moshipangelo oshinene moshilando ,noku falwa kiipangelo ko Egypt.

Onzonkundana yo Reuters oya lopota kutya oo ambulance dha humbata ooohanana dhuupelema dhili 28 odha taaguluka okuza mo Gaza okuya ko Egpty opo dhi ka mone etakamitho lyopaunamiti ohela.

Ashike oohanana 3 dhomwaadhoka dha hupithwa okwa lopotwa dha thigala mo Gaza sho aapambele ya pula dhi thigale po omolwa omatompelo gopaumwene.

Ominista yuuhaku mo Egtyp Dr Khaled Abdel Ghaffar oye a kala noku enditha iilonga yokupanga aanona mo Egytp.

Oshikumungu sheendithwa kehangano lyo WHO,o Palestinian Red Crescent Society nomahangano giigwana ya hangana, otashi lalakanene okuyamukula kompumbwe yiiyakulitho yuunamiti noku kondolola oo infection.

Okuza mo 11 November,aavu 40 mwa kwatelwa oohanana dhuupelema oya hulithila moshipangelo Al Shifa omolwa ompumbwe yomahooli nolusheno.

Omolwa iiponokela,oondohotola odhindji,aavu naakwashigwana oya kala ashike moshipangelo shoka,noku etitha eipulo enene omolwa onkalo ya taalela oohanana nankene tadhi hupu.

Uuministeli wuuhaku mo Gaza owati aantu ya konda  13 00 oya hulithila miikolokosha pokati ko Hamas na Israel mbyoka ya tameke mu 7 October.