Omuthiya kuniwe omafaneko ukadikwe oshitayi shomangu.

Omunashipundi wo Commissi yomagistates moNamibia , Omutokoli  Orben Sibeya okwati omafaneko okuli koluuli oku tulapo oshitayi shomangu momudingonoko wa Omuthiya moshitopolwa shOshikoto,  opo shixwopopeke omandubalalo oibofa tai ungaungwa nayo komangu ya Ondangwa.

Sibeya edi okwe dipopya pefimbo letalelepo laye melelo loshitopolwa sha Shikoto  mOmuthiya oshivike eeshi , tati omapekaapeko oo vaningapo okwa ulika kutya omangu ya NDANGWA oya wililwapo komandubalalo oikoya oyo idulife po 4 000 noshatalika kutya 60% doo nakukaula eenyanga ovadja momudingonoko wa  Omuthiya.

Okwati ovena oupyakadi woibofa yakala nokuundulilwa komesho omafimbo nomafimbo notaikwata omido opo ikale yamanifwa.

Okwati ovayandji voumbangi oha vapula omafimbo oku yandja omaumbangi osho nokuli omafimbo amwe hashi vaetififa velihaluke vadimbwa, nokupula yoo elongifo loimaliwa yomalweendo kwaavo tava kayandja omaumbangi.

Omunashipundi tahokolola kutya mopaife eshongo olo vataalela okombinga yonele oyo taidulu okulongiwa onga onele yo court.

Okwati onele oyo ngenge oya tulwa moilonga nena  ota ika pewa magistrate oo takala nokuyandja eyakulo okudja omandaxa fiyo etitano ile tashikala nokuningwa lwoivike ili 2 momwedi fiyo osheshi patungwa onele yo court oyo taikalele.