Emmanuel Macron a taambako ekodhepo lyomalugodhi mo Gaza Strip

Omupresitend gwa France Emmanuel Macron nena okwa taambako ompangela pokati ka israel nongundu yo Hamas okumangulula oonkwatwa dhimwe noku hulithapo iikolokosha pakathimbo sha nuninwa omakwatho,mo Gaza Strip.

Onzonkundana yo AFP oyati Macron okwati otaya longo nuudhiginini oku mangulula oonkwata adhihe,naakwashigwana ya France yeli 8 yaaha wetike okuza sho o Hamas ya ponokele Israel mu 7 October.

Omalugodhi otaga kodhapo omasiku geli ga 4 okutameka ongula,oku mangulula mboka yeedhililwa,noku pitika wo omakwatho geye mo Gaza.

israel okuuvaneke itaa ponokele nenge a mangepo omuntu miitopolwa ayihe ya Gaza pethimbo lyekodhepo lyiikolokosha.

O prime minister ya Israel Benjamin Netanyahu okwati etumo lyookoongamba dhe onkee itaali lunduluka.

Tati oyeli miita,notaya tsikile niita sigo yaadha omalalakano gawo agehe,okuhanagulapo o Hamas,yi galule oonkwatwa dhawo adhihe,noku kwashilipaleka kutya kapena ehangano mo Gaza taliya tula moshiponga.