Oshiponga shololi shatwaalela eemwenyo dovanhu moNigeria.

Ovanhu vefike po 17 okwa lopotwa vaxulifa omanga vefike 206 vafiwa vaehamekwa pefimbo ololi omo vali valondekwa shapitilila yaya moshiponga moshitopolwa sha Niger mo nooli yoshilongo Nigeria.

Opolifi yoshilongo osho onghela oya lopota kutya, omushingi wetruck olo lali lahumbata eendongelwa novatwaalelwa,  ola li liyadi neenghono, nopefimbo opo omushingi oo ali tashingi monapo yoshidudu okwa nyengwa oku pangela osheendifo sha etififa shiwe nokwaalangata.

Bisi Kazeem, eli omupopiliko woshikondo sheameno lomeendjila talombwele oshikundaneki sho  Xinhua kutya,  ovanambelewa voku yandja omakwafelo opaulumo momumbwe ova endelela oku fika poshiningwanima noku yandja omakwafelo okututumbapo ovo vamona oiponga oku vatwala koipangelo,  omanga ovo vaxulifa omalutu aavo atwalwa keenautalala.

Olopota oyati omakonaakono opetamako oo amonikapo fiyo opapa okwa ulika kutya, ololi oyawa sha etififwa kokushinga onapo yoshidudu.

Oiningwanima yeelopota doiponga yomeendjila mo Nigeria oya didilikwa yahapupala osho hasheetififwa kokushinga  eenapo dapitilila,  nokulondeka shapitilila oshoyo onghalo yeendjila yatalika iheli nawa.